மணநாள் காணும் உங்களுக்கு எனது மனமார்ந்த வாழ்த்துகள்

இனிய திருமணம் நல்வாழ்த்துக்கள்

ஆன்றோர் வாழ்த்துரைக்க ஆயிரமாய் பூச்சொரிய மங்கை திருமகளாய் மணவறையில் காத்திருக்க
நாதசுர மேளங்கள் நல்லதொரு வாழ்த்திசைக்க நங்கை திருக்கழுத்தில் நம்பி அவன் நாண்பூட்ட

கட்டியவன் கட்டழகை கடைக்கண்கள் அளவெடுக்க மெட்டியவன் பூட்டிவிட மெல்லியலாள் முகம் சிவக்க
இவள் பாதியிவன் பாதி என்றிணைந்திட்ட மணவாழ்வில் இல்லறத்தின் இலக்கணமாய் இரு மனமும் வாழியவே!

திருமணம் காணும் மணமக்களாகிய நீங்கள் இருவரும் பதினாறு செல்வங்களையும் பெற்று பெருவாழ்வு வாழ மனமாற வாழ்த்துகிறேன்.

என்றும் அன்புடன்!

வாழ்க தமிழர்!
வளர்க தமிழ்!!